Lehen jardunaldian porrot bat jaso eta gero, gasteiztarrak 7 puntugatik galtzen ari ziren Azkoitian, 2 minuturen faltan. Baina garaipen garrantzitsua eskuratu zuten erreakzio handiari esker. Eta nesken lehiaketan, Ordizia KE eta Euskoart Ibaizabal dira liderrak, 2-0eko balantzearekin.
MUTILEN A1
Azkoitian iristeko zorian egon zen jardunaldiko ezuste handia. Laurden baten faltan, 10 puntuko aldea izan zuen Grupo Zaher ISB-ak. Eta azpeitiarrak +7arekin sartu ziren azken 100 segundura. Egoera larria Fundacion 5+11rentzat, baina txapeldunak erreakzionatu zuen Cissokoren 7 puntuei esker eta garaipena hartu zuen Macuraren azken saski batekin.
Fundación Bilbao Basket mantentzen da lehen postuan, erabateko garaipen baten ondoren Erroibide Irunen aurka (105-49). Eta Easo Mendaur dago bigarren postuan, bilbotarrekin berdinduta: 74-66ko emaitza donostiarrentzat Centro Estudios Mikeldi USK-ren aurrean, bigarren laurden handiarekin (27-15).
MUTILEN A2
24-9ko emaitza hirugarren laurdenean eta 76-64 amaieran CB Santurtzi SK-rentzat Aplicaciones de Resina GJ Araberriren aurrean. Garaipen batekin estreinatu zen etxean ZAST Zarautz, Redline Mekanika TAKE-ren aurrean (72-69). Eta Mondragon Unibertsitateak lider bezala jarraitzen du, oso garaipen estutua lortu eta gero Getxon (68-69)
NESKEN A1
Ordizia KE eta Euskoart Ibaizabal dira liderrak, etxetik kanpoko garaipenak lortu eta gero. Gipuzkoarrek Mondragon Unibertsitatea Ointxe Araskiri irabazi zioten (36-57), galdakaoztarrek, berriz, Centro Estudios Mikeldi USk gainditu zuten (53-65). Bilbotarrek aurretik lehen zatian (36-27), baina bere aurkariak ez zioten aukerarik eman hirugarren laurdenetik aurretik (6-27).
Eta Tabiran, Tabirako Baquek eta Lointek Gernikak derbi parekatua eskaini zuten. Amaieran, Durangon geratu zen garaipena (52-49).
NESKEN A2
Easo AECC-rek garaipena erraza eskuratu zuen Movilteck ISB-ren aurrean (66-45), lehen postuan mantentzeko. Gasteizen, bigarren garaipen jarraian Ostadar SKT-arentzat, San Viator-ri irabazita (56-67). Eta Aldirin, Goierri Oxyorrek bere lehen garaipena lortu zuen Loiola Indautxuren kontran.
