ARGAZKIA: CB Toju

NESKEN SENIOR: Zazpi talde berdinduta Bigarren Mailako lidertzan!

Baloia eta jokalariak itzuli ziren gure zelaietara, atsedenaldiko asteburuaren ondoren, eta egoera oso parekatua aurkitzen dugu BIgarren mailan: 7 talde berdinduta 3-1eko balantzearekin eta Txintxu Gozotegia da lider berria. Eta Lehen Mailan, Campus Promete porrotik gabe mantentzen da. Eta puntu batengatiko garaipenak goiko postutan.


LEHEN MAILA

Neurketa bikoitza goiko postutan eta etxeko taldeen garaipen bikoitza, puntu 1engatik. Donostia, 64-63 Bera Bera Bultzentzat, Lointek Gernikaren aurka. Beti aurretik bizkaitarrak eta 6 puntuko abantaila 10 minuturen faltan (43-49). Donostiarrek buelta eman zioten, 6-0ekoarekin (56-54) eta, hortik aurrera, kolpe txandaketa: Alberdiren hirukoa, beste 6-0ekoa, Mugiraren beste hirukoa eta Romeraren bi libre erabakigarriak.

Eta Bilbon, puntu gutxiagoko partida batean, La Salle Zurekin Bus-ek garaipena lortu zuen Megacalzado Ardoiren aurka (39-38). Azken laurdenean, Nafarroako taldeak ez zuen saskiratu 8 minututan zehar, baina irabazteko jaurtiketa izan zuen, Vazquezen asmatze klabearen ondoren bilbotarrentzat.

Donostiarrak eta bizkaitarrak hirugarren eta laugarren postuan kokatzen dira, hurrenez hurren. Bigarrenean, Reproduccion ART Araski finkatu da: +25 gasteiztarrentzat Tabirako Baqueren aurrean (86-61). Garayoren emakumeek azken laurden hunkigarria eskaini zie (31-10).
Eta lidertzan, porrotik gabe, Campus Promete. David Martinen taldeak Hondarribia Ikasbasket-i irabazi zion 74-64ko emaitzarekin, liderra beti aurretik joan zen partidan.

Nafarroako estreinaldi bikoitza bosgarren jardunaldian. Aranguren Mutilbasket-ek Kandelazubieta menderatu zuen, hiru lehen laurden onei esker. Eta Fonseca Basket Navarrak Easo San Martin Merkatua gainditu zuen (60-49). Donostiarrak 6 puntuko aldearekin joan ziren aldageletara eta nafarrek defentsa ikusgarria erakutsi zuten berriz ezartzean (28-11).

Eta jardunaldiko azken partidan, Universidad Deusto Loiola Indautxuk garaipen erosoa eskuratu zuen CB Sanignacio Vitaldent-en aurka, lehen zati handian oinarrituta.

ESTATISTIKAK

BERA BERA-GERNIKA

LA SALLE-ARDOI

LEIOA-ARANGUREN

PROMETE-IKASBASKET

BASKET NAVARRA-EASO

LOIOLA-SAN IGNACIO

ARASKI-TABIRAKO



BIGARREN MAILA

Ezinezkoa berdintasun gehiago txapelketako lehen laugarren jardunaldien ondoren: zazpi talde berdinduta daude 3-1eko balantzearekin.
Egoera honera iritsi da Mazarredo Fisioterapia Unamunoren eta San Ignacioren denboraldiko lehen porroten ondoren. Asteburuko partidarik handiena, bilbotarrek luzapenean galdu egin zuten Paz de Ziganda Ikastolan. Bere aldetik, Nafarroako taldeak galdu zuen Askartza Claret Andrasaren aurrean: bizkaitarrek menderatu zuten bigarren laurdenetik aurrera.

Txintxu Gozotegia ISB-ak emaitza hauek aprobetxatu zituen lehen postua lortzeko, aberageri esker. Azpeitiarrek irabazi zuten Barakaldon, Paules Ikastetxean, 33-44ko emaitzarekin eta asmatze gutxiagorekin: bi taldeen artean, 42/4 hiruko marratik.

Afilados Gasteiz Araba bigarren postura igo da, Kaleangora Liceo Monjardin-i irabazita (53-56). Arabarrek lehen laurden ona erakutsi zuten eta gero abantailaren kudeaketa ona, asko estutu zuen aurkari baten aurrean (53-56).

Mungia ST dago ere liderren multzoan. Emakumeak, gizonek bezala, Gasteizen lortu zuten garaipena: 44-57 Inmobiliaria Dato40Tojuren aurka. Eta Maristas Auto Ireguak, izen berriarekin, zazpikotea ixten du, bere erremontadaren ondoren Donostian: 5 puntuko aldea Bera Berarentzat azken laurdenaren faltan eta +8 errioxarrentzat amaieran (48-56).

Gainera, igandean jokatutako partida bakarran, Getxo SB-ak erraz irabazi zion azken postuan dagoen Fabiolan San Antoniori (61-36).

ESTATISTIKAK

BERA BERA-MARISTAS

TOJU-MUNGIA

KALEANGORA-ARABA

PDZ-UNAMUNO

ASKARTZA-SAN IGNACIO

PAULES-IRAURGI

GETXO-FABIOLAS