ARGAZKIA: Ekaitz Otxoa - San Prudencio

GIZONEZKOEN 2. MAILA: Alkideba Ointxe, nahikotasunez Lehen Mailara (48-65)

Bukatu da 18/19ko denboraldia Gizonezkoen 2. Mailan. Vitoria-Gasteizko San Prudencio ikastetxean jokatutako final handian, Alkideba Ointxek bigarren igoerako txartela lortu du, La Salle-ri irabazita (48-65), hirugarren laurdenean erabakitako partidan.


LA SALLE 48 - 65 ALKIDEBA OINTXE

Lehen minututan, bi taldeek urruneko jaurtiketak bilatu dituzte, asmatzerik gabe, hori ere bai. Andoni Aranzabalek lehen hirukoa saskiratu du (2-7), baina Mikel Santanak erantzuna eman dioa 11nako berdinketa ipintzeko. Bilbotarrek alternatiba gehiago aurkitu dituzte eta Iñigo Van Koningslook aurrea hartu du. Baina lehen zatiko azken txanpan, Ointxek hiru hiruko sartu ditu (Aranzabal, Lorenzo eta Ceciaga) La Salleren aldea murrizteko (28-26)

Bigarren zatian, moreek kolpe handia eman diote finalari. Oyarzabal (2) eta Apellaniz-en hirukoek egoerari buelta eman diote 3 minututan: 0-15ko partziala eta 28-41ko emaitza. Bilboko taldeak erreakzionatu nahi izan du, baina ezinezkoa izan da urrunetik ez dutelako asmatu (18/0 hirukoetan). Alkideba Ointxek egoera kontrolatu du eta garaipena eta igoera eskuratu du estutasunik gabe.

ESTATISTIKA

ARGAZKIAK